मकवानपुर,११ भदौ। मकवानपुरमा लागूऔषध नाईट्रोभेटसहित एक जनालाई प्रहरीले पक्राउ गरेको छ । पक्राउ पर्नेमा हेटौंडा उपमहानगरपालिका–१० बस्ने २२ वर्षीय निकेश थापा रहेका छन् ।
ईलाका प्रहरी कार्यालय पशुपतिनगर मकवानपुरबाट खटिएको प्रहरी टोलिले चेकजाँचको क्रममा हेटौडा उपमहानगरपालिका–१५ पिपल चौतरी स्थित सडकखण्डबाट पक्राउ गरेको हो ।
बिरगंजबाट हेटौंडातर्फ आउँदै गरेको ना.१ ज ८५२७ नम्बरको यात्रुवाहक माईक्रो बसलाई रोकी चेकजाँच गर्ने क्रममा नीजले काखिमा च्यापेको कालो झोलामा लुकाएर राखेको राखेको अवस्थामा लागूऔषध नाईट्रोभेट ३ सय ट्याब्लेट फेला परेको हो ।
निजलाई पक्राउ गरी आवश्यक अनुसन्धान तथा कारवाही भईरहेको जिल्ला प्रहरी कार्यालय, मकवानपुरले जनाएको छ ।
