बारा, १६ भदौं । मालपोत कार्यालय बाराको मुद्दा फाँटमा कार्यरत एक कर्मचारी १ लाख रुपैयाँ घुस लिँदालिँदै पक्राउ परेका छन् ।
अख्तियार दुरुपयोग अनुसन्धान आयोगको टोलीले मालपोतका मुद्दा फाँटमा करार सेवामा पूर्व कार्यरत हरिमोहन सिंह क्षेत्रीलाई घुसहित रंगेहात पक्राउ गरेको हो । क्षेत्रीलाई मालपोत कार्यालय बाराको परिसरबाट सेवाग्राहीसित घुस लिइसकेको अवस्थामा रंगेहात पक्राउ गरिएको अख्तियारले जनाएको छ ।
पक्राउ परेका ति कर्मचारीलाई अख्तियार दुरुपयोग अनुसन्धान आयोगको कार्यालय हेटौडामा लगिएको छ ।
