मुकेश यादव
लहान, २५ भदौं । सिरहाको औरही गाउँपालिका वाड नं.४ कमलपुर स्थीत ईलाका प्रहरी कार्यालय औरही सिरहाबाट खटिएको गस्ती टोलीले अवैध समान बरामद गरेको छ ।
भारतबाट नेपाल तर्फ भन्सार छली अनटेस्ट मोटरसाइकलमा ल्याउदै गरेको ४ वटा जुटको बोरामा सिल प्याक गौरब सोफी मदीरा २० कार्टुन गरी अन्दाजी मुल्य १२ हजार र मोटरसाइकलको मूल्य जम्मा गरि ६२ हजार बराबरको मदीरा र मोटरसाइकल सिरहा प्रहरीले नियन्त्रणमा लिई आवश्यक कार्वाहीको लागी भन्सार कार्यालय माडर, सिरहामा बुझाएको छ ।
यस्तै सिरहा नगरपालिका वाड नं. २० लकडिगदियानी स्थित प्रहरी चौकी लकडिगदियानि सिरहाबाट खटिएको गस्ती टोलिले चेकजाँच गर्दा २ कार्टुन गौरव मदीरा अन्दाजी दुई हजार मूल्य बराबरको मदीरा नियन्त्रणमा लिई आवश्यक कार्वाहीको लागी भन्सार कार्यालय माडर, सिरहामा बुझाएको जिल्ला प्रहरी कार्यालयका प्रवक्ता तथा डीएसपी अपिलराज बोहराले बताए ।
