लहान, २६ भदौं । राष्ट्रिय जनता पार्टी (राजपा) नेपालका सिरहा अध्यक्ष मण्डलका सदस्य राम बहादुर महतोको निधन भएको छ ।
सुखिपुर नगरपालिका घर भएका महतोको अल्पआयू मै निधन भएको हो । घरमै सुतेको बेला विहिबार विहान करिब २ बजे उनको अचानक निधन भएको राजपा नेता राकेश झाले जानकारी दिए ।
नेता झाले फेसबुकमा कुशल नेतृत्व गर्ने रामवहादुर महतोको निधन भएको भन्दै श्रद्धांजलि अर्पण गरेका छन् ।
यस्तै राजपा नेता तथा प्रदेश २ का उधोग, वन तथा पर्यटन राज्यमंत्री सुरेश मण्डलपनि फेसबुक मार्फत हार्दिक श्रद्धान्जली दिएका छन् ।
उनले लेखेका छन् :- हार्दिक श्रद्धान्जली
राजपा नेपाल सिरहाका अध्यक्ष रामबहादुर महताेको निधनले पार्टीलाई ठुलो क्षति भएको छ । उहाँ सिरहाको लागि मधेसवादी आन्दोलनको खम्बा हुनुहुन्थ्यो । रामबहादुर दाजुको निधनले अत्यन्तै मर्माहत छु । उहाँको दुईटा खुबीबाट म निकै प्रभावित थिए । एउटा पार्टीको हरेक कार्यक्रममा पुग्ने अर्को राम्रो बक्ता । राजपा सिरहाले एउटा कुशल नेतृत्व गुमाएको छ । धेरै नै पीडा बोध भइरहेको छ । अस्ति मात्रै लहानमा सँगै पार्टी प्रवेश कार्यक्रममा थिए । त्यही कार्यक्रम सकेर म काठमाण्डौ आए । काठमाण्डौ मै छु । बिहान ७ बजे शत्रुधन सरले फोनबाट जानकारी दिनुभयो । एकछिनको लागि त बोली नै हरायो । उहाँको हर्ट अट्याकबाट अल्पायुमा भएको निधनले स्तब्ध छु । एउटा निडर संघर्षशील र मधेसवादले ओतप्रोत युवा नेताको मृतात्माको चिरशान्तीको कामना, शोक सन्तप्त परिवारजनप्रति गहिरो समवेदना गर्दै हार्दिक श्रद्धाञ्जली ब्यक्त गर्दछु ।
हार्दिक श्रद्धान्जली दाजु
