बारा, २७ भदौं । प्रदेश नं २ का भौतिक पूर्वाधारमन्त्री जीतेन्द्र सोनलले प्रदेशलाई पूर्ण सरसफाइ गर्ने उद्देश्यका साथ प्रदेश सरकारले काम गरिरहेको बताउनुभएको छ । बारालाई आज खुला दिसामुतm भएको घोषणा गर्दै उहाँले ‘मुख्यमन्त्री स्वच्छता अभियान’लाई सार्थक बनाउन प्रदेश सरकार लागिपरेको बताउनुभयो ।
प्रदेश सरकार विकास र समृद्धिको दिशातर्फ अघि बढिरहेको मन्त्री सोनलले बताउनुभयो । कार्यक्रममा प्रदेशसभा सदस्य मोहम्द समिर, प्रमुख जिल्ला अधिकारी फणिन्द्रमणि पोखरेल, कलैया उपमहानगरपालिकाका प्रमुख राजेश राय यादव, जीतपुर सिमरा उपमहानगरपालिकाका प्रमुख डा कृष्ण पौडेल, नागरिक समाजका महासचिव हीरालाल साह, जिल्ला समन्वय समितिका संयोजक नवलकिशोर सिंह, स्थानीय तहका प्रमुखलगायत उपस्थित थिए ।
