जनकपुरधाम, ३० भदौं । समाजवादी पार्टीका नेता नविन यादवले जानकी मन्दिर तोडफोड मुद्दामा आरोपी सबैलाई जिल्ला अदालत धनुषाले दिएको सफाई सबै मधेसीको जित भएको प्रतिक्रिया दिएका छन् ।

नेता यादवले अदालतले ढिलो फैसला सुनाएपनि यथार्तलाई बुझेर फैसला गरेको बताए । ‘मधेस आन्दोलित दवाउनप्रशासनले अगुवाहरुमाथि झूठो मुद्दा दर्ता गरेको थियो- उनले भने, ‘झुठ ढिलो भएपनि झुठ नै साबित भयो ।’

२०७२ पौष १ गते राष्ट्रपति विद्यादेवी भण्डारी जानकी मन्दिर आएपछि मधेस आन्दोलनमा सक्रिय विभिन्न मोर्चामा आबद्ध नेता तथा कार्यकर्ताहरु कालो झण्डा देखाएका थिए । तर मन्दिर तोडफोडको आरोपमा १० जनामाथि मुद्दा दायर गरियो । त्यसको ४ बर्षपछि अदालतले सबै आरोपीलाई सफाई दिएको छ ।

सफाई पाएपछि आरोपीत सबैले अदालत परिसरमै खु:शी मनाएका छन् । उनीहरुले सत्यको जित भएको भन्दै सफाई पाएको सन्देश पाएलगत्तै एक अर्काले अविर समेत खेलेका थिए ।