जनकपुरधाम, २ असोज । सर्लाहीको कविलासी नगरपालिका ५ रनियामा निर्माण भएको गढीमाई मन्दिरको शिलान्यास प्रदेश २ का उधोग, वन, पर्यटन तथा वातावरण राज्यमन्त्री सुरेश मण्डलले गरेका छन् ।

एक समारोहबीच मन्दिरको उद्घाटन राज्यमन्त्री मण्डलले गरेका हुन् । यस्तै सोही ठाउँमा शिव मन्दिरको पनि उनले शिलान्यास गरेका छन् । मन्दिर शिलान्यासको अवसरमा स्थानीय महिलाहरुले कलशयात्रा समेत निकालेकी थिइन् ।

गढीमाई मन्दिर जनताबाट चन्दा संकलन गरी निर्माण गरिएको गढीमाई संरक्षण समितिका अध्यक्ष श्रीनारायण मण्डलले जानकारी दिए । उका अनुसार नगरपालिकाले १४ लाख र नेपाल पर्यटन बोर्डले ४ लाख बजेट दिँदा निर्माणाधिन मन्दिरको सौन्दर्यीकरण भएको छ । यस्तै सो ठाउँमा धर्मशाला समेत निर्माण गरिएको हो ।

शिलान्यास गरिएको मन्दिर निर्माणका लागि प्रदेश सरकारले सहयोग गर्ने अपेक्षा रहेको समितिका अध्यक्ष मण्डलले बताए । राज्यमन्त्री मण्डलले पनि आवश्यकता र सकेसम्म बजेट उपलब्ध गराउने प्रतिवद्धता जनाएका छन् ।