जनकपुरधाम, २ असोज । धनुषाको महेन्द्रनगर बजार अब विहिवार पनि खुल्ला रहने भएको छ । दशैं तिहार नजिकिएपछि विहिवार पनि बजार खुल्ला राख्ने निर्णय उधोग बाणिज्य संघले गरेको हो ।
हिन्दुहरुको महान पर्व दशैं, दिपावली र छठपर्वको मध्यनजर गर्दै व्यपारी र ग्राहकवर्ग लागी सहज हुने गरी विहिवार पनि बजार खुल्ला राख्ने निर्णय भएको क्षिरेश्वरनाथ उद्योग वाणिज्य संघको उपाध्यक्ष विनय साहले जानकारी दिए । उनका अनुसार पर्व सकेपछि पुनः साप्ताहिक रुपमा विहिवार बजार बन्द हुनेछ ।
संघले दशैंको घटस्थापनादेखि ७ दिनसम्म सस्तो बजारको पनि आयोजना गर्ने जनाएको छ । महेन्द्रनगरलाई अझ व्यापार, व्यवसायमय बनाउनको लागी संघले सस्तो बजारको आयोजना गर्नेछ । सस्तो बजारमा करिब १ लाख बढी सेवाग्राहीले अवलोकन गर्ने अपेक्षा छ ।
