परासी, ४ असोज । प्रहरीले पश्चिम नवलपरासीको रामग्राम नगरपालिका–३ घोडपालीबाट श्रीमानको हत्या गर्ने श्रीमतीसहित दुई जनालाई पक्राउ गरेको छ ।
घोडपालीका ४१ वर्षीय रवीन्द्रप्रसाद पाण्डेयको हत्या आरोपमा श्रीमती ३५ वर्षीया सरस्वती पोखरेल र एक पुरुषलाई पक्राउ गरिएको प्रहरीले जनाएको छ । पुरुषको नाम गोप्य राखिएको छ ।
१५ दिनदेखि हराइरहेका पाण्डेयको शव शुक्रबार घरनजिकै हरिसुशील आधारभूत विद्यालयको सेफ्टीट्याङ्कीमा फेला परेको थियो । जिल्ला प्रहरी कार्यालय पश्चिम नवलपरासीका प्रमुख एसपी लालमणि आचार्यले सरस्वतीले आफू र ती पुरुष मिलेर श्रीमानको हत्या गरेको साबिती बयान दिएकी छन् ।
आफ्नो परपुरुषसँगको अवैध सम्बन्ध श्रीमानले थाहा पाएपछि झगडा भएको र त्यसपछि हत्याको योजना बनाएको उनले बनायनमा स्वीकार गरेकी छन् ।