काठमाडौं, ६ असोज । राष्ट्रिय जनता पार्टी (राजपा) नेपालको अध्यक्ष मण्लको संयोजक पुनः महन्थ ठाकुर भएका छन् ।
आइतबार पार्टी केन्द्रीय कार्यालय बबरमहलमा बसेको राजपा अध्यक्ष मण्डलको बैठकले सोमबारदेखि लागू हुनेगरी ठाकुरलाई संयोजक बनाउने निर्णय गरेको थियो । यसअघि संयोजक राजकिशोर यादब थिए ।
एकता महाधिवेशन नहुन्जेलसम्म आलोपालो पार्टीको नेतृत्व गर्ने पार्टी विधानको व्यवस्था अनुसार ठाकुर दोस्रो पटक संयोजक भएका हुन् । संयोजकको कार्यकाल दुई महिनाको हुने व्यवस्था छ ।
