जनकपुरधाम, ९ असोज । जनकपुर उपमहानगरपालिका गेटमा रहेको जानकी फर्निसिङमा डकैती गर्दागर्दै चार डकैत प्रहरी फन्दामा परेका छन् । प्रहरीले तीन राउण्ड गोली चलाएर डकैतलाई फन्दामा पारेका हुन् ।
विहान करिब साढे ३ बजे पसलको सटर फोडेर डकैती गर्ने प्रयास विफल भएको छ । सटर फोड्ने क्रममै प्रहरीले देखेपछि डकैतहरु भाग्न खोजेका थिए । तर ३ राउण्ड गोली चलाएर उनीहरुलाई पक्राउ गरेको धनुषाका एसपी शेखर खनालले जानकारी दिए ।
उनका अनुसार एक डकैतको खुट्टामा गोली लागेको छ । उनलाई उपचारका लागि जनकपुर अंचल अस्पतालमा भर्ना गराइएको छ । पक्राउ पर्नेमा दुई जना भारतीय र दुई जना रौतहटका छन् । उनीहरुको तत्काल नाम र ठेगाना खुल्न सकेका छैन ।
विस्तृत विवरण आउन बाँकी….
