जनकपुरधाम, १४ असोज । जनकपुरमा दशैको चहलपहल बढेको छ । नेपालीहरुको महान् चाड वडादशै तथा दिपावली नजिकिदै गर्दा बजारमा किनमेल गर्नेको जनकपुरमा भीड लागेको छ । खाद्यन्न, कपडा, कस्मेटिक तथा गरगहना पसलहरुमा मानिसहरुको भीड लागेको छ ।
चाडपर्वका लागि मानिसहरुले खाद्य सामग्रीदेखि लत्ता कपडासम्मका सामानहरू अनिवार्य रूपमा किन्ने गरेका छन् । त्यसैले पनि दशै नजिकिएसँगै बजारमा सामान किन्ने मानिसहरूको चहलपहल बढ्ने गरेको छ ।
जनकपुरका मुख्य बजारहरु शिव चौक , राम चौक , मुरली चौक , जानकी चौक लगायतका ठाउँहरुमा मानिसहरुको भीड लागेको छ । भने सवारीसाधनहरुमा पनि मानिसहरुको उत्तिकै भीड लागेको छ ।
व्यापारीहरूको पनि बर्षभरीको कमाई हुने समय भनेकै दशै तिहार जस्ता महान् चाडमा नै हो । यो समयमा अन्य समयमा भन्दा दोब्बर तेब्बर व्यापार हुने गरेको पाइन्छ । सडकदेखि विभिन्न क्षेत्रमा किनमेल गर्नेको भीड लागेको छ । दिनभरी काम गरेर एक पेट खान द्यौ द्यौ पर्ने मानिसहरूले पनि दशैमा ऋण गरेरै भएपनि राम्रो लगाउने र मीठो खाने गरेका छन् । दशैलाई लक्षित गरेर सञ्चालन गरिएका ससता बजारमा पनि मानिसहरूको भीडभाड सुरू भएको छ ।
दशैंमा नयाँ लगाउनुपर्ने र मीठो खानुपर्ने भन्ने परम्परागत मान्यताले गर्दा पनि यो समयमा बजारमा रौनक छाउने गरेको छ । दशै मनाउनका लागि सदरमुकामदेखि ग्रामीण भेगमा जानेहरुको पनि भीड लागेको छ ।
