जनकपुरधाम, १४ असोज । चाडपर्व लक्षीत गर्दै हुन सक्ने सम्भावीत खतरालाई कम गर्नका लागि जनकपुरधाम उपमाहानगरपालिकाले सुरक्षाकर्मीहरुसंग अन्तरक्रिया गरेको छ ।
नगर कार्यपालिकाकै कार्यालयमा मंगलवार नगरपालिका भित्र रहेका आठ वटा वार्ड प्रहरी कार्यालयका इन्चार्जहरुसंग नगर प्रमुख लालकिशोर साहले छलफल गरेको हो । चाडपर्व प्रवेस गरिसकेकोले नगरमा हुन सक्ने चोरी डकैती, जुवा, ड्रग्स र निगरानीलगायतको विषयमा वृहत छलफल गरिएको छ ।
कार्यक्रममा सुरक्षाकर्मीहरुले नगरका विभिन्न वार्डमा सुरक्षा दिने क्रममा आउने गरेका कठिनाईका बारेमा गुनासो समेत गरेका थिए । सुरक्षाकर्मीहरुले गरेको गुनासो प्रति नगर प्रमुख लालकिशोर साहले नगर सुधारोन्मुख अवस्थामा रहेको र छिटै नै त्यस्ता किसीमका समस्या समेत सामाधान गरिने प्रतिवद्धता जनाए ।
यता सुरक्षाकर्मीहरुले पनि मुलुक संघियतामा प्रवेस गरिसकेको हुनाले संघियतालाई मजवुत वनाउनका लागि संघिय सरकारसंगै स्थानिय सरकारसंग पनि समन्वय गरेर अगाडी बढने वताए । कार्यक्रममा उपस्थित भएका सुरक्षाकर्मीहरुलाई नगर प्रमुख साहले सम्मान समेत गरेका थिए ।
कार्यक्रममा स्टेशन प्रहरी चौकी, जानकी प्रहरी चौकी, कपिलेश्वर प्रहरी चौकी, माछा पालन प्रहरी चौकी, मुजेलीया प्रहरी चौकी, बलवाटोल प्रहरी चौकी, जिरो माइल प्रहरी चौकी, कुर्था प्रहरी चौकीका इन्चार्जहरुको उपस्थिती रहेको थियो ।
