ओपी शाह/ जनकपुरधाम, १६ असोज । धनुषाको औरही गाउँपालिका १ स्थित सडकमा बेवारिसे एक मोटरसाइकल फेला परेको छ । ज. १२ प. १८२० नम्बरको सुपर स्पलेन्डर मोटरसाइकल फेला परेको हो ।
स्थानीयले मोटरसाइकल विहान सडकमै लागेको देखेपछि घटनास्थललाई नियाल्दा छेउमा एक चप्पल र सर्ट च्यातिएको अवस्थामा पनि फेला परेको छ । घटना शंकास्पद रहेको स्थानीय दिपक यादबले जानकारी दिए ।
उनका अनुसार मोटरसाइकल राखिएको ठाउँ नजिकै धान खेतमा दुई पक्षबीच झडप भएको देखिन्छ । स्थानीयले मोटरसाइकल र घटनास्थलको शंकास्पद अवस्थाबारे प्रहरीलाई खबर गरेका छन् ।
यसबारे थप विवरण आउँन बाँकी छ ।
