काठमाडौं, २५ असोज । चिनियाँ राष्ट्रपति सी चिनपिङको भ्रमणका बेला हुनसक्ने संभावित विरोध प्रदर्शन रोक्न प्रहरीले शंकास्पद व्यक्तिहरुलाई पक्राउ गरेको छ ।

बिहीबार साँझदेखि शनिबार मध्याह्नसम्म काठमाडौं उपत्यकाका विभिन्न ठाउँबाट शंकास्पद २८ जनालाई प्रहरीले पक्राउ गरेको हो । प्रहरीले सी काठमाडौं उत्रिने दिन शनिबार मात्रै ४ जनालाई काठमाडौंका विभिन्न ठाउँबाट पक्राउ गरिएको छ ।

शुक्रवार साँझ सप्तरीको राजविराजबाट सत्तारुढ समाजवादी पार्टीकी नेतृ सुनिता साहलाई समेत प्रहरीले पक्राउ गरेको थियो । नेतृ साहले राष्ट्रपति सी को विरोध गर्ने आशंकामा पक्राउ परेकी प्रहरीले जनाएको छ ।

सी सुरक्षाका लागि १५ हजार सुरक्षाकर्मी तैनाथ छन् ।