जनकपुरधाम, १७ मंसिर । जेसिबीमा चोट लागेर गम्भिर घाईते भएका एक युवकको प्रादेशिक अस्पताल जनकपुरमा ज्यान गएको छ । उपचारकै क्रममा मिथिला विहारी नगरपालिका १० का भाग्यनारायण यादबको ज्यान गएको हो ।

मिथिला बिहारी नगरपालिकामै सरोज यादवले सोमवार चलाएको बा २ क ७४२२ नम्बरको जेसिबी पछाडी गर्ने क्रममा भाग्यनारायण गम्भिर चोट लागेको थियो । घाईते उनलाई तत्कालै प्रादेशिक अस्पताल ल्याए । तर आज उपचारका क्रममा ज्यान गएको उनको आफ्न्तले जनाएको छ ।

जेसिबी चलाउने सरोजका सहोदर भाई थिए मृतक भाग्यनारायण । दाई भाईबीच झगडा भएकाले जानेरै जेसिबीले ठक्कर दिएको हुनसक्ने स्थानीयले बताएका छन् । तर यसबारे प्रहरी केहि बताएका छैन ।

जेसिबी धनुषाधाम प्रहरीले नियन्त्रणमा लिएको छ भने चालक सरोज फरार भएका छन् ।