जयनाथ यादब/ लहान : नेपाल सुनचाँदी व्यवसाय महासंघको सिरहाको अध्यक्षमा विकास शारडा निर्वाचित भएका छन् । महासंघको ७ औं साधारणसभाबाट उनी निर्वाचित भएका हुन् ।
शारडाको अध्यक्षतामा ११ सदस्यीय जिल्ला कार्य समिति चयन गरिएको छ । उनले इमान्दारिता पूर्वक आफ्नो कार्यकालमा कामकाज गर्ने प्रतिवद्धता जनाएका छन् । उनी कुशल सुनचाँदी व्यावसायीको रुपमा परिचित छन् ।
शारडा लहान सिटी जेसिजका पूर्व अध्यक्ष, उधोग बाणिज्य संघ लहानका कोषाध्यक्ष र सुनचाँदी व्यावसायी महासंघका प्रदेश सदस्य समेत छन् ।
