जनकपुरधाम : प्रहरीलाई आर्थिक प्रलोभनमा पार्न खोजेको अभियोगमा भारतीय नम्बर प्लेटका गाडीसहित एकजना पक्राउ परेका छन् ।
पक्राउ पर्नेमा सर्लाही ईश्वरपुर नगरपालिका ९ बयलबास बस्ने ३२ वर्षीय रामविश्वास पटेल छन् । उनलाई धनुषाको लक्ष्मिनिया गाउँपालिका ७ लक्ष्मिनिया चोकबाट प्रहरीले पक्राउ गरेको छ । उनी बिआर ०६ पिई ०६५८ नम्बरको गाडी (स्कारपियो)का चालक हुन् ।
जाँच गर्ने क्रममा उक्त गाडीको भन्सार पास नभएकोले नियन्त्रणमा लिई जिल्ला ट्राफिक प्रहरी कार्यालय धनुषामा पठाएकोमा पटेलले प्रहरीलाई नगद २ हजार रुपैयाँ घुस दिन खोजेपछि उनलाई प्रहरीले पक्राउ गरेको जनाएको छ ।
पक्राउ परेका युवकमाथि कारबाही तथा अनुसन्धान सुरु गरिएको प्रहरीले जनाएको छ ।
