जयनाथ यादब/ सिरहा : सिरहाको मिर्चैया नगरपालिका ६ का ३ जनामा कोरोना पुष्टि भएपछि लकडाउन गर्ने निर्णय गरिएको छ ।
नगरपालिकामा आज बसेको आपतकालिन बैठकले १० दिनका लागि लकडाउन गर्ने निर्णय गरिएको हो । भोली विहिवार विहान ६ बजेदेखि साउन ३२ गतेसम्मका लागि लकडाउन गर्ने निर्णय गरेको मिर्चैयाका मेयर श्रवण यादवले जानकारी दिए ।
मेयर यादबले लकडाउनको पालना गर्न नगरबासीसँग अनुरोध गरेका छन् । यस नगरपालिकाका ३ जनामा कोरोना पुष्टि भएपछि उच्च सतर्कता अपनाउनुको विकल्प नरहेको उनको भनाई छ ।
