टुडेखोज/ जनकपुरधाम
प्रदेश २ मा आईतवार ७९ जनामा कोरोना भाइरसको संक्रमण पुष्टि भएको छ । योसँगै यस प्रदेशमा कोरोना संक्रमितको संख्या ११ हजार १४० पुगेको छ ।
सामाजिक विकास मन्त्रालयका बरिष्ट चिकित्सक डा. कमलेश प्रसाद यादबका अनुसार पछिल्लो २४ घण्टामा १६ महिला र ६३ पुरुष गरी कुल ७९ जना कोरोना संक्रमित थपिएका छन् । सबभन्दा बढी पर्सामा २५ जना थपिएका छन् ।
यस्तै सप्तरीमा १८ जना, रौतहटमा ७ जना, सर्लाहीमा १६ जना, बारामा २ जना, महोत्तरीमा ४ जना र धनुषामा ७ जना संक्रमित थपिएका हुन् । धनुषामा थपिएका संक्रमित मध्ये सशस्त्र प्रहरीका ३ जना छन् ।
यस्तै पछिल्लो २४ घण्टामा महोत्तरीको बर्दिबास नगरपालिका १४ का ७८ वर्षीय एक पुरुषको कोरोनाका कारण ज्यान गएको छ । योसँगै यस प्रदेशमा मृत्यू हुनेको संख्या १०१ पुगेको मन्त्रालयले जनाएको छ ।
हेर्नुस् पुरा डिटेल :
