काठमाडौं : स्वास्थ्य तथा जनसंख्या मन्त्री भानुभक्त ढकालकै घरमा पनि कोरोना पसिसकेको छ । उनका परिवारका एक सदस्यमा कोरोना पुष्टि भएको हो ।
परिवारकै एकजनामा कोरोना पुष्टि भएपछि मन्त्री ढकाल क्वारेन्टाइनमा बसेको मन्त्रालयका प्रवक्ता प्राध्यापक डाक्टर जागेश्वर गौतमले जानकारी दिए । उनका अनुसार आइतवार आएको रिपोर्टमा मन्त्री ढकालको परिवारका एक सदस्यमा कोरोना पुष्टि भएको छ ।
काठमाडौंमा पछिल्लो समय कोरोना समुदायस्तरमा फैलिएको छ । केहि दिनयता घर घरमा संक्रमित भेटिन थालेका छन् ।
