एजेन्सी : बलिउड नायिका मलाइका अरोरालाई कोरोना संक्रमण भएको छ । यसअघि अभिनेता अर्जुक कपुरलाई कोरोना संक्रमण देखिएको थियो ।
उनलाई कोरोना देखिएपछि मलाइकाले पनि परीक्षण गराएकी थिइन् । उनको रिपोर्ट पोजिटिभ आएको हो । मलाइकाकी बहिनी अमृताले कोरोना संक्रमणको पुष्टि गरेकी छन् ।
मलाईकाको ‘शो इण्डियाज बेस्ट डान्स’को सेटमा काम गर्ने ७ जनामा कोरोना पोजिटिभ देखिएको थियो । मलाइका लामो समयदेखि उक्त शो को छायांकन गर्दै आएकी छन् । सोसल मिडियामा समर्थकहरूले उनको शिघ्र स्वास्थ्य लाभको कामना गरिरहेका छन् ।
बेला बेला सोसल मिडियामा उनी चर्चामा आउने गरेकी छिन्। कहिले अर्जुनसँगको सम्बन्धका कारण त कहिले ड्रेसका कारण उनी चर्चामा आइरहन्छिन् ।
