टुडेखोज/ काठमाडौं : कोरोना भाइरस पत्ता लगाउन अब एन्टिजिन परीक्षण गरिने स्वास्थ्य तथा जनसंख्या मन्त्रालयले जनाएको छ । मन्त्रालयले सबैले परीक्षण गर्न पाउने गरी निर्णय गरेको हो ।
निषेधाज्ञा जारी गर्दा पनि कोरोनाको संक्रमण नघटेपछि तत्काल परीक्षण गरी नतिजा हेर्न एन्टिजिन परीक्षण गर्ने निर्णय गरिएको छ । मन्त्रालयका प्रमुख विशेषज्ञ डा। रोशन पोखरेलले शरीरमा भाइरस कति छ भनेर हेर्न एन्टिजिन परीक्षण गर्ने निर्णय गरिएको जानकारी दिए ।
डा. पोखरेलकै पहलमा जापानले ५० हजार थान एन्टिजिन किट दिएको छ । आइतबार नै सात हजार थान एन्टिजिन किट जापानी कम्पनीले उनलाई हस्तान्तरण गरेको हो ।
¥यापिड डायग्नोस्टिक जस्तै एन्टिजिन किट भएपनि यसको परीक्षण प्रक्रिया भने फरक हुन्छ । समुदायमा संक्रमित खोज्ने कार्यलाई तीव्रता दिन -यापिड डायग्नोस्टिक किट ९आरडिटी०मार्फत रगतमा एन्टिबडी हेरिन्छ, तर एन्टिजिन किटबाट भने शरीरमा भाइरसको मात्रा कति छ भनेर हेरिन्छ ।
प्रमुख विशेषज्ञ डा। पोखरेलले भन्छन्, ‘एन्टिजिनुका माध्यमबाट भाइरसविरुद्ध शरीरले रोग प्रतिरोधात्मक क्षमता (एन्टिबडी) बनाएको हेर्न होइन, यसले शरीरमा भाइरस नै कति छ भनेर हेर्ने हो ।’
एन्टिजिन किटको प्रयोग गरेका देशमा प्रभावकारिता ९० प्रतिशतभन्दा माथि देखिएको स्वास्थ्य मन्त्रालयको दावी छ । एन्टिजिन हेर्न खकार र नाकबाटै स्वाब संकलन गरिन्छ । तर, यसका लागि परीक्षण पिपिआर मेसिनमा हाल्नुपर्दैन, छुट्टै किट हुन्छ ।
किटमा स्वाब हालेर घोलेको २० मिनेटभित्र नतिजा देखाउँछ । चिकित्सकहरूका अनुसार एउटा मात्रै धर्का देखाएमा त्यसलाई कोरोना नभएको मानिन्छ भने दुईवटा धर्का देखाएको खण्डमा पोजेटिभ भएको मानिन्छ ।
एन्टिजिनमार्फत स्वास्थ्यकर्मी, सुरक्षाकर्मी, क्वारेन्टाइनमा भएका व्यक्ति र शंका लागेर चाँडै परीक्षण गर्नुपरेको अवस्थामा प्रयोग गरिने बताइएको छ । स्वास्थ्य मन्त्रालयका अनुसार एक हजारभन्दा कम मूल्यमा यसको परीक्षण हुनेछ ।
