काठमाडौं : सरकारले पूर्व–पश्चिम रेलमार्गको काकडभिट्टा–इनरुवा १ सय ६ किलोमिटर लिक बिछ्याउने ट्रयाक निर्माणको ठेक्का स्थगित गरेको छ ।
रेल, मेट्रोरेल र मोनोरेल डेभलेपमेन्ट प्रोजेक्टले सार्वजनिक सूचना जारी गर्दै हाललाई रेलमार्गको ठेक्का स्थगित भएको जानकारी दिएको हो । रेलमार्गमा पर्ने जग्गाको मुआब्जा विवादसमेत नसुल्झिएको र निश्चित ठेकेदारले मात्र पाउने गरी सेटिङमा ३२ अर्बको ठेक्का लगाउन थालिएको भन्दै तीव्र विरोध भइरहेका बेला सरकारले ठेक्का रद्द गरेको छ ।
जग्गा अधिग्रहण नगरी हतार–हतार ठेक्का लगाउन लागेको भन्दै चौतर्फी विरोध भएको थियो ।
