टुडेखोज/ रौतहट : इलाका प्रहरी कार्यालय चन्द्रनिगाहपुरका प्रमुख प्रहरी नायव उपरीक्षक (DSP) हेम बहादुर शाहीसहित २० जनामा संक्रमण पुष्टि भएको छ ।
प्रहरी नायव उपरीक्षक शाहीले बुधबार आएको पीसीआर रिर्पोटमा आफुसहित २० जनामा संक्रमण पुष्टि भएको बताए । उनका अनुसार दुई प्रहरी अधिकृत समेत संक्रमित भ एका छन् । संक्रमित भ एपनि शान्ति, सुरक्षा तथा नागरिक सेवामा कुनैपनि कमिकमजोरी हुन नदिन आफुहरु लागि परेको उनको भनाई छ ।
संक्रमित प्रहरीहरुलाई पायक पर्नेलाई होम आइसोलेसन र पायक नपर्नेहरुलाई चन्द्रपुर २ मा रहेको अस्थायी कोरोना अस्पतालमा पठाउने तयारी गरिएको छ । सो कार्यालयमा कार्यरत अन्य प्रहरीहरुको पनि कन्ट्याक्ट ट्रेसिङ्गको आधारमा स्वाव परिक्षण गरिने बताइएको छ ।
चन्द्रपुरबाट प्रहरीसहित ४१ जनाको स्वाव परिक्षणको लागि पठाइएको थियो । प्रहरीसहित जम्मा २८ जनाको रिपोर्ट पोजेटिभ आएको चन्द्रनिगाहपुर अस्पतालका जनस्वास्थ्य निरीक्षक मात्रिका चालिसेले जानकारी दिए ।
