राजविराज । महेन्द्र विन्देश्वरी बहुमुखी क्याम्पस राजविराजको स्वतन्त्र विद्यार्थी युनियन निर्वाचनमा संयुक्त विद्यार्थी गठबन्धनको प्यानलै विजयी भएको छ ।
सभापतिमा रञ्जित कुमार यादव, सचिवमा सुनिल कुमार मण्डल र कोषाध्यक्षमा मेनुका साह विजयी भएकी हुन् । सभापति, सचिव र कोषाध्यक्ष तीनैजना समाजवादी विद्यार्थी युनियनकै छन् ।
यस्तै सदस्यहरूमा गठबन्धनकै विनय कुमार यादव, मो. जकाउल्लाह, रामानन्द कुमार राम, प्रकाश कुमार यादव, कन्चन कुमारी ठाकुर, नन्दन मण्डल र राकेश कुमार यादव विजयी भएका छन् ।
जसपा निकट समाजवादी विद्यार्थी युनियन, माओवादी केन्द्र निकट अनेरास्ववियु क्रान्तिकारी र लोसपा निकट लोकतान्त्रिक विद्यार्थी संघ गठबन्धन गरेर चुनाव लडेको थियो ।
चैत्र ५ गते नै मतदान भएपनि विवादका कारण हिजो दिउँसोबाट मात्र मतगणना सुरु भएको थियो ।
