सिरहा । गोलबजार नगरपालिका ८ स्थित सगुन ईंटा उद्योगको पर्खाल भत्किदा किचिएर एक महिला मजदुरको मृत्यू भएको छ भने दुई मजदुर घाईते भएका छन् ।
भारतको पूर्वी वङ्गालका मजदुर महिमा वीवीको शुक्रवार विहान मृत्यु भएको हो । ईटाभट्टीबाट पोलेको ईंटा निकाल्ने क्रममा भट्टीको पर्खाल भत्किएरउनको मृत्यू भएको ईलाका प्रहरी कार्यालय गोलबजारले जनाएको छ ।
घाईते हुनेमा भारतकै मजदुर ३५ वर्षिया बवी वीवी र ४० वर्षिया ममता वीवी छन् । उनीहरुको गोलबजारमै उपचार भइरहेको छ ।
गत फागुन २७ गते गोलबजार ५ स्थित माँ धमिनी ईट्टा उद्योगको पर्खाल भत्किदा उद्योगमा कार्यरते छ जना घाइते भएका थिए ।
