एजेन्सी । भारतको पश्चिमी राज्य राजस्थानमा विमान दुर्घटना भई एउटा घरमा खस्दा दुई जनाको मृत्यु भएको त्यहाँको प्रहरीले जनाएको छ ।
प्रहरीका अनुसार सोमबार मिग–२१ सैन्य विमान दुर्घटना भएको हो । ‘पाइलटलाई सकुशल उद्धार गरिएको छ । मिग एउटा घरमा खस्यो । दुई जनाको मृत्यु भएको छ । तीन जना घाइते भएका छन्’, प्रहरी अधिकारी सुधीर चौधरीले भने ।
पश्चिमी राज्य राजस्थानमा भएको घटनाको विस्तृत विवरण सार्वजनिक हुन बाँकी छ ।
