धनुषा । जनकपुरधाम उपमहानगरपालिका १२ बाह्रविगहाबाट सशस्त्र प्रहरीले करिब २५ लाख २० हजार रुपैयाँ बराबरको डेन्टलको औषधि बोकेको कारसहित एक जनालाई पक्राउ गरेको छ।
पक्राउ पर्नेमा भारत घर बताउने २९ वर्षीय मो ईक्वाल रहेको सशस्त्रले जनाएको छ । बीआर ३२ एक्यू १२०२ नम्बरको कारमा राखी भारतबाट नेपालतर्फ ल्याउँदै गरेको उल्लेखित मूल्य बराबरको औषधिसहित उनलाई राजश्व भन्सार सुरक्षा वेश जनकपुरधामले नियन्त्रणमा लिएको हो ।
नियन्त्रणमा लिइएका ईक्वाललाई बरामद औषधि तथा कारसहित आवश्यक कारबाहीको लागि राजश्व भन्सार कार्यालय जनकपुरधाम धनुषामा बुझाइएको छ ।
