रौतहट। रौतहटको भूमध्य भागमा रहेको गरुडामा संचालित अनामिका हस्पिटल प्रा.लि.का संस्थापकले गरुडा स्थित वंशीराम जयसवाल अनाथालयको अक्षयकोषमा ५१ हजार रुपैया सहयोग गरेको छ ।

अनामिका हस्पिटलको प्रमुख डा.आर .बी. प्रसादका पिता श्रीनारायण साहले अनाथालयका संस्थापक वंशीराम जयसवालको हातमा ५१ हजार नगदै हस्तान्तरण गरेका हुन् । अनाथालयका संचालक तथा बालबालिकालाई गत दश वर्षदेखि निःशुल्क औषधी उपचार अनामिका हस्पिटलले गर्दै आएको छ ।

अनाथ बालबालिकाको भरणपोषण र स्वास्थ्योपचारको लागि एक करोडको अक्षयकोष स्थापना गर्ने लक्ष्य रहेकोमा हस्पिटलको तर्फबाट साहले ५१ हजार रुपैया नगदै सहयोग गर्दैे सहयोग निरन्तर रहने प्रतिबद्धता व्यक्त गरेका छन् । अनाथालयका वर्तमान अध्यक्ष भुवनेश्वरराम जयसवालले अनाथालयको तर्फबाट डा.आर.बी प्रसादका मातापितालाई दोसल्ला ओढाई सम्मानित गरिएको छ ।