लहान । सिरहाको धनगढी नगरपालिका ११ आँप चोकबाट इटालियन पेस्तोलसहित एक जनालाई प्रहरीले पक्राउ गरेको छ ।

पक्राउ पर्नेमा सोही ठाउँ बस्ने ४२ वर्षीय ब्रहमदेव यादव रहेका छन् । उनलाई बिहीबार बिहान प्रहरीले पक्राउ गरेको जिल्ला प्रहरी कार्यालय सिरहाले जनाएको छ ।

प्रहरीका अनुसार उनको साथबाट पेस्तोल, सोमा लाग्ने ५ राउण्ड गोली र १ थान म्याग्जिनसमेत बरामद भएकोक छ । इलाका प्रहरी कार्यालय धनगढीबाट खटिएको प्रहरीले जाँच गर्ने क्रममा यादवलाई पक्राउ गरेको थियो ।

यादवमाथि प्रहरीले आवश्यक कारबाही अगाडी बढाएको छ ।