रौतहट । नेकपा माओवादी केन्द्रले सुरु गरेको जनतासँग माओवादी, तराई-मधेस जागरण अभियान रौतहट पुगेको छ ।
फागुन १२ गते झापाको कचनकवलबाट सुरु भएको अभियान झापा, मोरङ, सुनसरी, सप्तरी, सिराहा, धनुषा, महोत्तरी, सर्लाहीहुँदै शुक्रबार साँझ रौतहट प्रवेश गरेको हो ।

माओवादी अध्यक्ष तथा पूर्वप्रधानमन्त्री प्रचण्डको नेतृत्वमा चलिरहेको यो अभियानका टोली गएराति गरूडामा बास बसेको थियो ।

माओवादी अध्यक्ष प्रचण्डसहितका नेताले गरुडा नगरपालिकामा आज मर्निङवाक गरे । मर्निङवाकपछि प्रचण्डले क्याम्पस रोड मेथुरमा स्थानीयसँग छलफल तथा अन्तरक्रिया गरेका छन् ।