जनकपुरधाम । नेकपा एमालेका नेता राजकिशोर यादव नेपाली कांग्रेसमा प्रवेश गरेका छन् ।

कानुन विभागका केन्द्रीय सदस्य तथा अधिवक्ता समेत रहेका यादव कांग्रेसमा प्रवेश गरेका हुन् । धनुषाको सबैला नगरपालिका ६ का यादव काठमाडौं पुगेर कांग्रेसमा प्रवेश गरेका छन् ।

यादवलाई कांग्रेस सभापति शेरबहादुर देउवाले पार्टी प्रवेश गराए । यादव कांग्रेस सहमहामन्त्री महेन्द्र यादव र राष्ट्रियसभा सदस्य आनन्द ढुङ्गानाले उनलाई पार्टीमा लगेको बुझिएको छ ।

यादव अनेरा स्ववियूका पूर्व निर्वाचित केन्द्रीय सदस्य थिए । नेपाली कांग्रेसको लोकतान्त्रिक प्रतिबद्धता र सिद्धान्तले आफुलाई आकर्षित गरेको उनले बताए ।

यादवलाई सभापति देउवाले पार्टीमा प्रवेश गराएपछि सहमहामन्त्री यादव र पार्टीका अनुशासन विभाग प्रमुख ढुङ्गानाले स्वागत गरेका थिए ।