काठमाडौं । नेपाली कांग्रेसका नेता विमलेन्द्र निधिले गणतन्त्रको जग बलियो रहेकाले कसैले हल्लाउन नसक्ने बताएका छन् ।

जनकपुरमा आयोजित एक कार्यक्रमलाई शनिबार सम्बोधन गर्दै उनले यस्तो धारणा राखेका हुन् । उनले राजतन्त्र अब नफर्किने पनि जिकिर गरे ।

उनले भने, ‘नेपालमा राजतन्त्र फर्किन्छ भनेर प्रचार गरिएको छ । तर अब राजतन्त्र र राणातन्त्र फर्किन सम्भव छैन् ।’

नेता निधीले आफ्नो सीमालाई बुझ्न पूर्वराजालाई सुझाव दिए । भने, ‘अरु देशमा राजतन्त्रको अन्त्य हुँदा राजाहरुको कस्तो दुर्गती भएको छ नमान्दाखेरी, त्यो इतिहासमा प्रमाणित छ। त्यसैले आफ्नो सीमालाई राजाले बुझ्नुपर्‍यो ।’