सिरहा । एसियन लाइफ इन्स्योरेन्स कम्पनी लिमिटेड मिर्चैया शाखाले औरहीका विपन्नलाई खाद्यान्न सहयोग गरेर आफ्नो १७ औं बार्षिकोत्सव मनाएको छ ।

औरही गाउँपालिका ५ का वडाध्यक्ष रामपृत यादवको प्रमुख आतिथ्यमा आयोजित एक समारोहबीच एसियन लाइफ इन्स्योरेन्स मिर्चैया शाखाले विपन्नलाई खाद्यान्न वितरण गरेको हो । खाद्यान्न वितरण गर्न सो इन्स्योरेन्स कम्पनीका मिर्चैया शाखा प्रमुख सूर्यनाथ यादवसहितका टिम आएका थिए ।

खाद्यान्न वितरण समारोहका अतिथि तथा औरही गापाका स्वास्थ्य शाखा संयोजक उपेन्द्र यादवका अनुार औरहीका कारि यादव, हसिना खातुन, गुलसन खातुन, रविना खातुन र पवन महरालाई खाद्यान्न वितरण गरिएको छ ।

उनीहरुलाई चामल १० केजी, दाल १ केजी, चिनी १ केजी, नून १ केजी र तेल आधा लिटरका दरले सहयोग गरिएको छ ।