मुकेश यादव
लहान , २५ भदौं । सिरहाको बरियारपट्टीको छुटाछुट्टै ठाउँबाट लागूऔषधसहित दुई जनालाई प्रहरीले पक्राउ गरेको छ ।
ससस्त्र प्रहरी बल बरियारपट्टीले चेकजाच गर्ने क्रममा धनगढी नगरपालिका-१ बस्ने राजेश यादवको १७ वर्षीय छोरा राकेश यादवलाई नाइट्राभेट ट्याब्लेट ७५ थान र स्मापो २ थान सहित पक्राउ गरेको ससस्त्र प्रहरी बल बरियारट्टीका इंस्पेक्टर कुमार तिमालसेनाले जानकारी दिए ।
त्यस्तै , बरियारपट्टी-३ स्थित हबलदार चौकमा नेपाल प्रहरीले चेकजाच गर्ने क्रममा लागूऔषध नाइट्राभेट ट्याब्लेट ५ थानसहित एक जनालाई पक्राउ गरेको छ ।
पक्राउ पर्नेमा शुखिपूर नगरपलिका-६ बस्ने श्रीचन मोचीको २४ वर्षीय छोरा रंजित मोची रहेको इलाका प्रहरी कार्यलय बरियारपट्टीले जानकारी दिएका छन् । पक्राउ परेका दुवैलाई थप अनुसन्धानको लागि जिल्ला प्रहरी कार्यालय सिरहा पठाएका छन् ।
