जनकपुरधाम, ३ असोज। संविधान जारी भएको ४ वर्ष बितिसकेको छ। तर यो संविधानलाई हरेक नेपालीले अपनत्व ग्रहण गर्न सकेका छैनन्। संविधान संशोधनको मुद्दा बोकेका राजनीतिक दल आज संविधान दिवस नमनाएर ब्लाक आउट गर्ने तयारी गरेको छ। जनकपुरमा आयोजित नेपालको संविधान २०७२ मा जनताको अवधारणा स् राष्ट्रिय बहस र मन्थन कार्यक्रममा नेता तथा लेखकहरुले वर्तमान संविधान हरेक नेपालीले ओत लाग्ने खालको नभएको टिप्पणी गरेका छन्।
राजपा अध्यक्ष मण्डलका सदस्य तथा संघीय सांसद महन्थ ठाकुरले संविधान संशोधन नभएसम्म आन्दोलन र विद्रोह भइरहने बताएका छन्। उनले भने, ‘पिँजडामा पशुपक्षीलाई कैद गर्दा उसले पनि तोडेर बाहिर निस्कने प्रयास जहिल्यै गरिरहन्छ। त्यसरी नै उत्पीडनको जन्जीर जोड्न मधेसी जनता आन्दोलनका साथ साथ विद्रोह पनि गरिरहेछ।’
उनले वर्तमान संविधान देशलाई दुई भागमा विभाजित गरेको जिकिर गरे। ‘संविधान पथप्रदर्शक हुनुपर्छ’, उनले भने, ‘तर यो संविधानले त जनतालाई विभाजित गरेको छ।’ उनले मधेसी जनता अझै पीडा भुल्न नसकेको पनि बताए। भने, ‘पीडा जति भए पनि जनता अझै मन थामेर बसेका छन्। जब मनको बाँध टुट्छ अनी न देशका मास्टर समाप्त हुन्छ र जनता मुक्ति पाउँछ। स्वतन्त्र हुन्छ।’
कार्यक्रममा मुख्यमन्त्री लालबाबु राउनले संविधानमा ग्यारेण्टी गरेको अधिकार पनि नदिने षड्यन्त्र भइरहेको भन्दै संघीय सरकारमाथि आक्रोस पोखेका छन्। उनले संघीय सरकारले बनाइरहेको विधेयक समेत अधिकार खोस्ने खालको मात्र भएको टिप्पणी गरे। उनले संविधान संशोधन गर्नुको साटो पाएको सिमित अधिकार पनि कुण्ठीत गर्ने खेलमा संघीय सरकार लागिपरेको बताए।
मुख्यमन्त्री राउतले संविधान दुई तिहाई बहुमतले संविधान हुने भएकाले नै सरकारमा रहेको स्पष्ट पारे। उनले संविधान संशोधन गर्ने आकांक्षा बोकेर सरकारमा सहभागी भएपनि सो अनुसार नभएको गुनासो पोखे। उनले संविधान संशोधन नगरी सबैको संविधान हुन नसक्ने बताए। संविधान संशोधन नभएसम्म असन्तुष्टि रहिरहने समेत बताए।
यस्तै वरिष्ठ पत्रकार तथा लेखक किशोर नेपालले संविधान सबै नेपालीले ओत लाग्ने खालको नभएको टिप्पणी गरेको छन्। उनले भने, ‘संशोधन गरी सबैले ओत लाग्ने खालको संविधान बनाउन नसके असफल हुन्छ।’ उनले संविधान संशोधन गरी सबैले आत्मसात गर्ने खालको बनाउन नेताहरुलाई सुझावसमेत दिए।
