सर्लाही, ४ असोज । सर्लाहीमा सशस्त्र प्रहरीले ५० बोरा अवैध गुट्खा बरामद गरेको छ । कविलासी नगरपालिका ८, अर्गवाबाट प्रहरीले गुट्खा बरामद गरेको जनाएको छ ।
नवलपुरबाट मलंगवातर्फ जाँदै गरेको ना २ च ५९७८ नम्बरको पिकअप गाडीबाट गुट्खा बरामद भएको सशस्त्र प्रहरी बल, नेपाल नम्बर १० गण हेक्वाले जानकारी गराए । गुट्खा बरामद भएपछि गाडीलाई समेत पक्राउ गरेको छ ।
गाडीका चालक तथा गुट्खा व्यापारी भने पक्राउ पर्न सकेका छैन । प्रहरीलाई देखेर गाडीमा भएका मानिसहरु भागेको बताइएको छ । भारतमा गुट्खामाथि प्रतिबन्ध लगाएपछि नेपालतर्फ तस्करी बढेको छ ।
