टुडेखोज/ लहान : कोरोना माहामारीका बेला आपतकालीन अवस्थामा रगतको अभाव हुन नदिन सिरहालगायत मधेशको विभिन्न जिल्लामा रक्तदान कार्यक्रमले गति लिएको छ ।
हुन सक्ने रगत अभावलाई मध्यनजर गर्दै लहानमा स्वर्गीय मंगलादेवीको २४ औं स्मृति दिवस पारेर रक्तदान कार्यक्रम गरिएको हो । प्रतिष्ठान प्रदेश २ कि संयोजक संगिता कर्माचार्यको आयोजनमा रक्तदान कार्यक्रम गरिएको छ ।
नेपाली महिला आन्दोलनकी अग्रज नेतृ स्व। मंगलादेवी सिंह नेपालमा प्रजातन्त्र स्थापनार्थ तथा नेपाली महिलाको हक, अधिकारको निमित्त गरिएका आन्दोलनमा अतुलनीय योगदान पुर्याएको हुनाले प्रत्येक वर्ष स्मृति दिवस मनाउद्दै आएको कर्माचार्यले बताइन् ।
ुमहिलाहरुलाई घरभित्रको कामकाजमा सिमित गरी शिक्षा, स्वास्थ्य, स्वनिर्णय जस्ता आधारभूत मानव अधिकारबाट समेत वंचित गर्ने सामाजिक प्रचलन रहेको र राजनीतिमा महिला सहभागीता लगभग शून्य रहेको समयमा महिलाले भोट हाल्न र पढ्न पाउनु पर्ने अधिकारका लागि आवाज उठाउने विरङ्गाना मंगला आज पनि हामी माझ जिवितै हुनुहुन्छ,’ कर्माचार्यले भनिन् ।
प्रतिष्ठानको स्रोतअनुसार उक्त कार्यक्रममा पत्रकार बिरेन्द्र नेपाल र धर्मेन्द्र पासवान लगायत जम्मा ४१ युवाहरूले रक्तदान गरेका छन । नेपाल रेडक्रस सोसाईटी लहानको सहयोगमा रक्तदान कार्यक्रम गरिएको कर्माचार्य निकटतम दिपेन्द्र सिंह ले जानकारी दिए ।
संगिता कर्माचार्य र उनका श्रीमान महेश चौधरी यस्तै प्रकारका समाजसेवामुलक कार्यक्रमहरुले गर्दा प्रदेश भरी चर्चामा रहेका छन् । ‘मस’ जोडीले चिनिने यिनै जोडीले स्थानीय सरकारको कार्यशैलीलाई चुनौती दिदै कैयौं गरिबलाई राहत बाँडेका थिए ।
