टुडेखोज/ जनकपुरधाम : धनुषाको शहिदनगर नगरपालिका २ चोराकोयलपुरमा एउटा रक्सी पसलमा मंगलवार मध्यरातमा आगलगाी हुँदा लाखौंको क्षति भएको छ ।

आगलगीबाट विशेश्वर यादबको रक्सी पसल पूर्णरुपमा जलेर नष्ट भएको छ । पसल रहेको घरमा बाँधेको एउटा गोरु समेत जलेको छ । अर्को गोरु भने कहाँ भागेको देखिन्छ । तर कहाँ भाग्यो भन्ने कुरा पत्ता लाग्न सकेका छैन ।

घरसँगै पसलमा रहेको फ्रिज, टेबल, कुर्सीलगायतका समान जलेर नष्ट हुँदा करिब २ लाख ८० हजार बराबरको क्षति भएको प्रहरी चौकी चोराकोयलपुरका इन्चार्ज देवराम यादबले जानकारी दिए ।

विद्युत सर्ट भएर आगलागी भएको प्रहरीको अनुमान छ । यद्दपी पीडित परिवारले भने पसलमा पेट्रोल छर्केर आगो लगाएको दावी गरेका छन् । प्रहरी भन्छन्, ‘पेट्रोल छर्केर आगो लगाएको पीडितले दावी गरेपनि कसैले देखेका छैन ।’