पर्सा : कोरोना भाइरस (कोभिड-१९) ‘हटस्पट’ बनिरहेको वीरगन्ज महानगरपालिकाका नगर प्रमुख विजय कुमार सरावगी पनि संक्रमित भएका छन् ।
सरावगीले आफूलाई कोरोना संक्रमण भएको पुष्टि सामाजिक सञ्जालमार्फत गरेका छन् । उनले यसको जानकारी आमनगरवासीलाई फेसबुकमार्फत गरेका हुन् ।
उनले आम नगरवासीको स्वास्थ्यको लागि ख्याल गर्दा गर्दै आफैं संक्रमित भएको जानकारी गराएका हुन् । अहिले आफ्नो स्वास्थ्य अवस्था सामान्य रहेको बताउँदै उनले चाँडै कोरोना जितेर पुनः काममा फर्कने पनि उल्लेख गरेका छन् ।
‘कोरोना महामारीको समयमा जनताको सेवामा लाग्दा आफैं कोरोना सङ्क्रमणको चपेटमा परेँ’, उनले भनेका छन्, ‘मेरो स्वास्थ्य अवस्था सामान्य रहेको छ । चाँडै निको भएर काममा फर्किनेछु ।’
