जनकपुरधाम : महोत्तरीको जलेश्वरनाथ नगरपालिकामा २५ जना कर्मचारीमा कोरोना संक्रमण पुष्टि भएको छ ।
नगरपालिकाका ५४ जनाको पिसिआर टेष्ट गरिएकोमा २५ जना कर्मचारीको कोरोना रिपोर्ट पोजेटिभ आएको जिल्ला स्वास्थ्य कार्यालय महोत्तरीका सूचना अधिकारी गिरेन्द्र झाले बताए । उनका अनुसार सोमवार महोत्तरीमा ३० जनामा कोरोना पुष्टि भएको हो ।
संक्रमित मध्ये २ जना सर्वसाधारण छन् । लोहारपट्टी नगरपालिकाका १ जना, नेपाली सेनाका १ जना र भंगहा नगरपालिकाका पनि १ जना छन् ।
