एजेन्सी : भारतीय प्रधानमन्त्री नरेन्द्र मोदीले भारतीय नागरिकको ९ मिनेट मागेका छन् । उनले अप्रिल ५ मा राति ९ बजे ९ मिनेटका लागि समय दिन आग्रह गरेका हुन् ।

उनले त्यसबेला घरको बत्ति निभाएर घरको ढोका वा बाल्कोनीमा गई मैनवत्ति वा मोबाइलको लाइट बाल्नसमेत आग्रह गरेका छन् । कोरोना भाइरसको संक्रमण भारतमा पनि तीव्र गतिमा फैलिरहेको छ । जसका कारण प्रधानमन्त्री मोदीले तीन हप्ते लककडाउन घोषणासमेत गरेका छन् ।

लकडाउनको नवौं दिनमा उनले अन्धकारलाई प्रकाशको ताकतले जित्‍न सकिने भन्दै आइतबार ९ बजे ९ मिनेटसम्म मैनवत्ति वा मोवाइलको लाइट बाल्न आग्रह गरेका हुन् । यसले एकताको सन्देश दिने उनले उल्लेख गरेका छन् ।

‘एकताले नै कोरोना भाइरसजस्तो महामारीविरुद्ध लड्न सकिन्छ । यो लकडाउनमा तपाइँहरुले देखाउनुभएको अनुशासन एकदमै सराहनीय छ। आउनुस् एकपटक फेरि हाम्रो एकताको सन्देशले यो महामारीलाई माथ लगाउँ,’ शुक्रबार भिडियो सन्देश जारी गरेदै मोदीले भनेका छन् ।