काठमाडौं : विश्वभर महामारीको रूपमा फैलिएको कोरोनाभाइरस (कोभिड-१९) का कारण मृत्यु हुनेको सङ्ख्या शुक्रबार बेलुकी १ लाख १९६ पुगेको छ।

यसबाट सङ्क्रमितको सङ्ख्या भने १६ लाख ४५ हजार ३३४ पुगेको छ भने निको भएकाको सङ्ख ३ लाख ६९ हजार ७९ रहेको छ। मृत्यु हुनेको सङ्ख्या सबैभन्दा धेरै १८ हजार ८४९ इटालीमा छ । अमेरिकामा कुल १७ हजार ९११ जनाले ज्यान गुमाइसकेका छन् भने स्पेनमा १५ हजार ९७० को मृत्यु भएको छ।

सङ्क्रमितमध्ये सबैभन्दा धेरै अमेरिकामा ४ लाख ७८ हजार ४ जना छन् । अमेरिकापछि सबैभन्दा धेरै सङ्क्रमण स्पेनमा १ लाख ५७ हजार ५३ जना, इटालीमा १ लाख ४७ हजार ५७७, जर्मनीमा १ लाख १९ हजार ६२४ फ्रान्समा १ लाख १७ हजार ७४९ रहेका छन् ।