सिरहा । नयाँ सदस्यता वितरणमा लापरवाही गरेको भन्दै समाजवादी प्रेस संगठन नेपालले नेपाल पत्रकार महासंघ सिरहा शाखामा तालाबन्दी गरेको छ ।

समाजवादी प्रेस संगठनका जिल्ला अध्यक्ष एवं केन्द्रीय सदस्य जयनाथ यादव, सक्रिय पत्रकार
लगायतको टोली सिरहा सदरमुकामस्थित पत्रकार महासंघ शाखामा तालाबन्दी गरेको हो ।

पत्रकार महासंघ केन्द्रले गैर पत्रकारलाई सदस्यता दिएको र पत्रकारिता गरिरहेकाहरुलाई वाइपास गरेको विरोधमा सिरहा शाखामा तालाबन्दी गरेको समाजवादी प्रेस संगठनका जिल्ला अध्यक्ष यादवले जानकारी दिए ।

उनले सदस्यता वितरणमा गरेको लापरवाही र विभेद नसच्याए चरणवद्ध आन्दोलन गर्ने चेतावनी दिए ।

समाजवादी प्रेस संगठनले पत्रकार महासंघ केन्द्रीय कार्यालयमा पनि आजै तालाबन्दी गरेको छ ।