जनकपुरधाम । सात वर्षीया बालिकालाई बलात्कार गरेको आरोपमा ६७ वर्षीय वृद्ध पक्राउ परेका छन्।

इलाका प्रहरी कार्यालय महेन्द्रनगरका अनुसार बालिका बलात्कार आरोपमा जिल्लाको क्षीरेश्वरनाथ नगरपालिका ५ महेन्द्रनगर बस्ने ६७ वर्षीय रामभगत साहलाई पक्राउ गरिएको हो ।

साहले शनिबार बालिकालाई एक्लै भएको मौका छोपी बलात्कार गरेर भाग्दै गरेको अवस्थामा स्थानीयले पक्राउ गरी प्रहरीलाई जिम्मा लगाएको जनाइएको छ ।

पीडित बालिकालाई प्रादेशिक अस्पताल जनकपुरधाम लगेर स्वास्थ्य परीक्षण गरिएको र आरोपितलाई हिरासतमा लिई अनुसन्धान अघि बढाइएको इलाका प्रहरी कार्यालयका प्रमुख, प्रहरी निरीक्षक राजाराम यादवले जानकारी दिए । रासस