जनकपुरधाम : जनकपुरस्थित विनय तारा फाउन्डेशन क्यान्सर सेन्टरका गार्ड विन्देश्वर मण्डलको मृत्यू कोरोनाकै कारण भएको पुष्टि गरिएको छ ।

धनुषा मिथिला विहारीका ४७ वर्षिय मण्डलको शनिवार राति मृत्यू भएको थियो । रुघाखोकी पहिलेदेखि लागेको र अचानक सास फेर्न गाहे भएपछि अस्पताल लग्ने क्रममा उनको मृत्यू भयो । उनमा कोरोनाको लक्षण देखिएपछि कोरोनाको आशंका पश्चात स्याब संकलन गरियो ।

जनकपुरस्थित प्रादेशिक जनस्वास्थ्य प्रयोगशालामा गरिएको परीक्षणमा उनको रिपोर्ट पोजेटिभ आएको जिल्ला प्रशासन कार्यालय स्रोतले जनाएको छ । मृतकका परिवारले शव बुझेर दाहसंस्कार गरिसकेको छ ।