काठमाडौं । सरकारले हुलाकी राजमार्ग अलपत्र पारेका नौ वटा कम्पनीलाई सात दिनभित्र सम्पर्क गर्न आग्रह गरेको छ । काम सक्‍नुपर्ने समय सकिएपनि सम्पर्कमा नरहेकाले ९ कम्पनीलाई सम्पर्क गर्न सूचना जारी गरिएको हो ।

लामा/डाँफे/द कञ्चनजंघा जेभी काठमाडौँ, कान्छाराम रवाम्ती र देव एण्ड सायर जेभी काठमाडौँ, पिएस र गजुरमुखी र मोतीदान जेभी काठमाडौँ, याक्थुम्हाङ र साप जेभी काठमाडौँ, भैरव आश्रय जेभी काठमाडौँ, बाम्ती भण्डार निर्माण सेवा काठमाडौँ, सपना स्वच्न्छद जेभी काठमाडौँ, लामा बाम्ती जेभी काठमाडौँ र अरनिको लामा बाम्ती जेभी काठमाडौँलगायतका कम्पनीका समयावधिमा हुलाकी सडक निर्माण गरेका छैनन् ।

हुलाकी राजमार्ग अन्तर्गत निर्माण भइरहेका सडकहरू सुनसरी, झापा, मोरङ र सप्‍तरीमा पर्छन् । सडक विभाग हुलाकी राजमार्ग निर्देशनालय इटहरीकाअनुसार यस अन्तर्गत निर्माण भएका योजनाहरूको प्रगती न्यून भएको छ ।

लामोसमयदेखि निर्माण कार्य रोकिएको र विभिन्‍न समयमा लिखित र मौखिक जानकारी गराउँदा चाँसो नदेखाएकाले के कारणले रोकिएको भनी सात दिन भित्रमा आधिकारीक प्रतिनिधिसहित कार्यलयमा उपस्थित हुनुपर्नेछ ।

सार्वजनिक सूचनालाई बेवास्ता गरेमा ठेक्का सम्झौता तथा सार्वजनिक खरिद ऐन २०६३ मा व्यवस्था भए बमोजिम आवश्यक प्रक्रिया अगाडि बढाइने हुँदा सबैलाई जानकारी गराइएको निर्देशनालयले जनाएको छ ।