जनकपुरधाम, २३ मंसिर । महोत्तरीको औरही खोला नजिकबाट प्रहरीले दुई थान लोडेड पेस्तोल र गोलीसहित एक जनालाई पक्राउ गरेको छ ।

पक्राउ पर्नेमा गौशाला नगरपालिका–६ फुल्काहका ३२ वर्षीय राकेशकुमार यादव छन् । उनको साथबाट इन्डीयन पेस्तोल १ थान, म्यागजिन १ थान, लोड रहेको गोली चार राउण्ड र नलकटुवा एक थान बरामद गरेको प्रहरीले जनाएको छ ।

पेस्तोल बरामद भएको विषयमा थप अनुसन्धान भइरहेको पनि प्रहरीको भनाई छ ।