जनकपुरधाम, १७ माघ । प्रादेशिक अस्पताल जनकपुरको अगाडीमा रहेको कल्पणा औषधी पसलमा पेट्रोल छर्केर आगो लगाएको छ । आगोले औषधी पसलमा रहेका करिब ९० लाखभन्दा बढीको औषधी जलेर नष्ट भएको हो ।

विहिवार मध्यरातमा अज्ञात समूहले औषधी पसलमा पछाडीको झ्यालबाट पेट्रोल छर्केर आगो लगाएको देखिएको छ । पसलमा रहेको अधिकांश औषधी क्षतिग्रस्त बनेको छ । प्रहरीले घटनास्थल पुगेर अनुसन्धान सुरु गरेको छ ।

आगो कसले लगायो भन्ने विषयमा केहि खुल्न सकेका छैन । प्रादेशिक अस्पताल अगाडी रातभर चहलपहल भइरहेपनि औषधी पसल जलाएपछि जनकपुरको सुरक्षा अवस्थामाथि प्रश्न उठेको छ ।